ТМККК және МӘМС медициналық қызметтерін алушылар:

ТМККК (толық пакет):- ҚР азаматтары;

- қандас (оралмандар);

- босқындар;

- ҚР аумағында тұрақты тұратын шетелдіктер;

- ҚР аумағында тұрақты тұратын азаматтығы жоқ адамдар.

Басқаларға қауіп төндіретін аурулар кезіндегі ТМККК:

- ҚР-да уақытша болатын шетелдіктер үшін;

- ҚР-да уақытша болатын азаматтығы жоқ адамдар үшін;

- баспана іздеушілер үшін.

МӘМС (аударымдар мен жарналар жүзеге асырылатын тұлғалар - сақтандырылған тұлғалар):

- ҚР азаматтары;

- ҚР аумағында тұрақты тұратын шетелдіктер;

- қандас (оралмандар);

- ҚР аумағында уақытша болатын шетелдіктер мен олардың отбасы мүшелері.

ТМККК пакетіне мыналар кіреді:

- жедел медициналық көмек, оның ішінде медициналық авиацияны тарта отырып;

- алғашқы медициналық-санитарлық көмек;

- амбулаториялық жағдайларда мамандандырылған медициналық көмек; стационарды алмастыратын жағдайларда, әлеуметтік маңызы бар аурулар және негізгі созылмалы аурулар, шұғыл жағдайлар кезінде стационарлық жағдайларда;

- тізім бойынша сақтандырылмағандар үшін шұғыл нысандағы мамандандырылған медициналық көмек;

- негізгі ауруды және туберкулезбен ауыратын науқастарды емдеуде медициналық оңалту;

- паллиативтік көмек;

- қан препараттарымен және оның компоненттерімен қамтамасыз ету;

- патологиялық диагностика;

- донорлық.

МӘМС пакетіне мыналар кіреді:

- амбулаториялық жағдайда мамандандырылған медициналық көмек;

- стационарды алмастыратын жағдайларда мамандандырылған медициналық көмек;

- ТМККК шеңберінде ауруларды емдеу жағдайларын қоспағанда, жоспарлы нысанда стационарлық жағдайларда мамандандырылған медициналық көмек;

- ТМККК шеңберіндегі жағдайларды қоспағанда, сақтанушылар үшін шұғыл нысанда стационарлық жағдайларда мамандандырылған медициналық көмек;

- медициналық оңалту;

- патологиялық диагностика.

ТМККК және МӘМС дәрі-дәрмекпен қамтамасыз ету:

ТМККК:

- стационарлық және стационарды алмастыратын жағдайларда жедел жәрдем, мамандандырылған медициналық көмек көрсету кезінде;

-аурулар тізбесі бойынша алғашқы медициналық-санитарлық көмек көрсету кезінде. Оларға қарсы профилактикалық егулер жүргізіледі;

-ҚР азаматтарының жекелеген санаттарын тегін және жеңілдікпен қамтамасыз етуге арналған дәрілік заттардың тізбесі бойынша алғашқы медициналық-санитарлық және мамандандырылған көмек көрсету кезінде (амбулаториялық дәрі-дәрмекпен қамтамасыз ету).

МӘМС:

- Денсаулық сақтау ұйымдарының дәрілік формулярларына сәйкес стационарлық және стационарды алмастыратын жағдайларда мамандандырылған медициналық көмек көрсету кезінде;

-ҚР азаматтарының жекелеген санаттарын тегін және жеңілдікпен қамтамасыз ету үшін дәрілік заттар мен медициналық бұйымдардың тізбесі бойынша алғашқы медициналық-санитариялық көмек көрсету кезінде (амбулаториялық дәрі-дәрмекпен қамтамасыз ету).